كيفـــــــــم انشاء الله طــــــيبـين
يــــلا اتركـــــــــم مع قلبـي وأنا
خذيت انا قلبي بيديه ومشينا
متوجهٍ وياه لديار خله
قلبٍ ذبحني به ولا حس فينا
خلٍ على شهوات قلبه يتله
قلنا الوعد لامن وصلنا حكينا
عن خافي الأشواق والهم كله
ساعة وصلنا في الجدال ابتدينا
كلٍ يقول انت اللي رح له وقله
عن كل ليلٍ في عذابه سرينا
وعن كل دمعٍ في غيابه نهله
وعن كل حبٍ غير حبه سلينا
وعن كل همٍ في ضميري محله
لحظة تجرا واعلن اللي نوينا
صابه من النكران مليون عله
ماقلت لك ياقلب ياما شقينا
ومركب هوانا كل دربٍ يدله
نعطي المحبه غيرنا ولا خذينا
مظلوم وقتٍ طيبةٍ فيه زله
خلاص ياالقلب المعنا انتهينا
عيش بحياتك باقي الحزن شله
</TD></TR></TABLE>
الأربعاء مايو 14, 2008 3:33 pm
